Tresnari esker, erabiltzaileek hegazkinen mugimenduak ikusi ahalko dituzte, eta kodeari, altitudeari edo hegazkin-motari dagozkien datuak ezagutu. Hala ere, segurtasun-arrazoiak direla eta, 30 minutuko desfasea egongo da. Datuak 60 egunean egongo dira ikusgai. Bestalde, erabiltzaileek aireportuaren jarduerak eragiten duen zarata-mailak ezagutu ahalko dituzte, eta zarata sortu duen hegazkinaren datuak jakin. Era berean, denbora-tarte bat edota eremu geografiko bat aukeratu ahalko dituzte, eta bertan hegazkinek egin duten zarata jakin. Zarataren Mapa Interaktiboak aukera hau ere emango du: etxebizitza baten eta horren gainean hegan egiten dabilen hegazkinaren arteko distantzia zein den ezagutzea. Azkenik, WebTrak aplikazioaren bidez kexak eta horiei lotutako informazioa helarazi ahalko zaizkio aireportuari, azter ditzaten.
Datorren astetik aurrera, Bilboko aireportuak Zarataren Mapa Interkatiboa ipiniko du udalen, herritarren eta erabiltzaileen eskura. Hori WebTrak aplikazioa erabiltzen duen bisualizazio-sistema da, eta hegazkinen ibilbidea eta aireportuaren zarata-mailak jasotzen ditu. Zarata-mailak ezagutzeko, monitorizazio-terminal batzuk ipini dituzte inguruan.