Txorierriko gazteen enplegagarritasuna hobetzeaz eta eskualdeko lehiakortasuna handitzeaz gainera, egitasmoak hurrengo helburu hau izan zuen: lan bila dabiltzan gazteei eta beren lan-ibilbideak beste norabide bat hartzea nahi duten lagunei hurbiltzea ekintzailetzaren erronkak eta aukerak. Horren harira, parte-hartzaileek bertatik bertara ezagutu zuten ekintzaileen eta hezitzaileen esperientzia.
Ekimena Txorierriko Zerbitzuen Mankomunitateko Gazteria Sailak eta Bizkaiko Foru Aldundiak antolatu zuten, EGAZ Txorierri Sustapen Ekonomikoko Zerbitzuarekin elkarlanean; eta Gaztedi Bizkaia foru programaren barruan egin zen. Derioko Kultur Birikan, besteak beste, ekintzailetzari lotutako dinamikak eta lana topatzera zuzendutako hitzaldiak egin ziren. Bertan batu ziren 200 lagunek baino gehiagok ekintzaile batzuen eskarmentua ezagutu zuten, baita Lanbide Euskal Enplegu Zerbitzuak eta nazioarteko heziketa-programek eskaintzen dituzten aukerak ere.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).