“Gaztedi Bizkaia Txorierri – Erandio 2018” deialdiaren harira, Txorierriko Zerbitzuen Mankomunitateak 10.200 euro zuzenduko ditu 30 urtera arteko gazteak kontratatzea laguntzera. Dirulaguntza bakoitza 3.400 eurokoa izango da, eta eskaerak EGAZ Txorierriko egoitzan aurkeztu ahalko dira abenduaren 20ra arte (Txorierri etorbidea 46, 13A).
Dirulaguntza urtarrilaren 1etik abenduaren 20ra bitarteko kontratazioentzat izango da. Lan-kontratua gutxienez hiru hilabetekoa izan beharko da, eta jardunaldi osokoa; praktikaldiko eta ikastunaren lan-kontratuak izan ezik, gainerako kontratu-motak onartuko dira. Bestalde, kontratatutako gazteek baldintza hauek bete beharko dituzte: 18 urtetik 30era bitartekoa izatea, Txorierrin erroldatuta egotea, langabezian egotea eta Lanbiden izena emanda izatea. Oinarriak hemen kontsultatu daitezke.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).