Tailerra azaroaren 25ean egingo da Barakaldon, Bic Bizkaia Ezkerraldea zentroan hain zuzen, eta bertan hainbat teknologia hurbilduko dizkiete enpresei, digitalizazio-erronkei begira erabili ditzaten eta 4.0 industriarantz urratsak egin ditzaten. Ekitaldia Challenge 4.0 programaren baitan dago. Bizkaiko Foru Aldundiak diruz lagundutako programa da eta EGAZ Txorierrirekin batera agentzia hauek ipini dute martxan: Azaro Fundazioa, Inguralde, Meatzaldeko Behargintza, Enkartur eta Errota Fundazioa.
Tailerrean parte hartzen duten pertsonek ezagutuko dute euren enpresan Challenge 4.0 nola aktibatu eta digitalizazio jasangarriari lotutako erronkei nola heldu. EGAZ Txorierrik eta gainerako agenteek lagunduko diete beharrizanak eta erronkak zehazten eta B2B topaketak antolatuko dituzte enpresen eta hornitzaileen artean, konponbiderik egokienak topatzeko. Ondoren, alde biek elkarri eragingo diote proposamen digitalak finkatzeko. Horretarako, eskualdeko agenteen laguntza izango dute eta programa eta diru-laguntza publikoetara jo ahalko dute.
Bestalde, tailerrean arlo hauetan dabiltzan enpresetako ordezkariak izango dira: teknologia eta ikerketa, robotika, mantentze prediktiboa, negozioa kudeatzeko soluzioak, biltegia hobeto kudeatzeko soluzioak eta zibersegurtasuna.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
