Zapatuan, eguzkitsu egongo da, tarteka hodeitsu, erdi mailako hodeiekin eta goi-hodeiekin, batez ere egunaren lehenengo partean. Hego-haizea; egunaren amaieran indartu egingo da. Tenperatura minimoak gutxi jaitsi eta maximoak nahikoa edo nabarmen igoko dira.
Eta domekan, eguzkia agertuko da. Egunaren lehenengo partean hodeiak ugarituz joango dira. Arratsalde-gau partean zerua estalita egongo da eta euritara joko du. Hegoaldeko haize bizia ibiliko da, arratsaldean mendebal/ipar-mendebaldera aldatuko da eta indarra galdu egingo du. Tenperatura minimoak gutxi igoko dira, maximoetan aldaketarik ez.