Esan moduan, trenaren ohiko ordutegiaren aldean, autobusak 10 minutu lehenago aterako dira Lezamatik. Bestalde, hemen kontsultatu daiteke geralekuak non egongo diren.
Lanei dagokienez, eta Euskotrenek azaldutakoaren arabera, Zamudioko geltokiaren inguruan gaur egun dagoen balasto gaineko trenbide gainegituraren ordez, plaka gaineko gainegitura ipiniko da, finkapen zuzena izango duena. “Horri esker, trenbidearen geometriak ez du aldaketarik jasango nasaren eremuan. Era berean, bibrazioen aurkako babes-sistema jarriko da plaka gaineko trenbidearen lauza berriaren azpian, berritutako tarte osoan”. Zehatz-mehatz, 110 metroko tartea da, nasaren hasieratik geltokiaren ondoko oinezkoentzako trenbide-pasaguneraino. “Jarduketa Zamudio eta Kurtze arteko trenbidea berritzeko proiektuaren parte da, eta guztira 604.591,47 €-ko aurrekontua du (BEZik gabe)”.