Edizio honetarako, irailaren 15ean ireki zen lurraldeko konponketa-saltokiak kanpainari atxikitzeko epea, eta hau urriaren 6ra arte egongo da zabalik. Herritarrak azaroaren 5etik aurrera trukatzen hasi ahalko dira bonuak haien produktuak konpontzeko. Bonuak 10€-koak dira eta hauek konponketen kostutik deskontatzeko balio ahal izango dute.
Bizkaiko Foru Aldundiak Bizkaia Repararen bigarren edizioa jarri du martxan, lehen edizioak izandako arrakasta ikusi ondoren. Honen bidez, Aldundiak produktuen konponketa “sustatu” eta hondakinen sorrera “prebenitzea” bilatzen du. Lehenengo edizioan, bonuen %93a saldu zen, 94 saltokik hartu zuten parte eta 14 tona produktu inguru konpondu ziren, hondakin bihurtu ez zirenak. Ekainean Aldundiak kanpainarengatik aintzatespena jaso zuen Hondakinen Prebentzioaren Europako Asteko (EWWR) sarietan, administrazio publikoaren kategoriako Europako lehenengo saria.