EIT Food partzuergoa Ezaguera eta Berrikuntzaren sei esparruetako bat da, eta Berrikuntza eta Teknologiaren Europako Institutuaren partaidea da. Egoitza nagusia Belgikan du, baina bost azpiegoitza ere baditu: Europako hegoalderako egoitza Madrilek eta Bilbok partekatzen dute. Partzuergoak Europako kontsumitzaileak, enpresak, ikertzaileak eta ikasleak harremanetan ipintzea du helburu, ekimen berritzaileak eta jasangarriak bultzatzeko eta, horrela, osasuna eta ingurumena hobetzeko eta kalitateko elikagaiak guztion eskura ipintzeko.
EIT Food Europako partzuergoak enpresen inkubagailua sortu du Zamudion
Egitasmoan nekazaritzako elikagaien sektoreko sei enpresa berritzaileek hartuko dute parte, eta lau hilabetean programa trinko batean arituko dira, enpresa bideragarriak bihurtzeko. Enpresetako hiru Erresuma Batukoak dira; beste bat, Ruandakoa; beste bat, Portugalekoa; eta azkena, Alemaniakoa. Enpresa gazteak dira eta, beste batzuen artean, proiektu hauetan dabiltza murgilduta: baserrietan erabiltzeko robotak egitea, garapen-bidean dauden herrialdeetako baserritarrentzako urari lotutako konponbideak topatzea eta elikagai-aplikazioetarako nanoestruktura biodegradagarriak garatzea.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).