ITPk Zamudioko Zientzia eta Teknologia Parkean duen egoitza nagusian dago ADMIRE zentroa. Bertan 24 milioi euroko inbertsioa egin da, eta bere helburuak hauek dira: material berriak ikertzea, konplexutasun handiko piezak garatzea, eta, abiazio komertzialaren hazkunde bizkorrari eta sektorearen beharrizan berriei aurre egiteko, konponketak bultzatzea irtenbide berritzaileak eskainiz.
Inaugurazio-ekitaldian parte hartu zuten, besteak beste, Imanol Pradales lehendakariak, Pedro Sanchez Espainiako gobernuko presidenteak, Elixabete Etxanobe Bizkaiko Ahaldun Nagusiak eta Lander Aretxabaleta Zamudioko alkateak.
Fabrikazio aurreratuko zentro berria inauguratu du ITPk Parke Teknologikoan
Atzo, otsailak 27, ADMIRE (Advanced Manufacturing Aerospace Center) fabrikazio aurreratuko zentro berria inauguratu zuen ITPk. Azaldutakoaren arabera, “aeronautika jasangarriko erreferentzia-zentroa da, kualifikazio handiko 150 lanpostu baino gehiago sortuko ditu eta berari esker Euskadi sektore aeroespazialean erreferente izango da”.