Ondoren, saio interaktibo bat burutuko da Txorierriko ekonomia zirkularreko aukeren inguruan. 9:45etan, mahai-ingurua egingo da, negozio-aukerak eta ekonomia zirkularreko jardunbide egokien inguruan. Bertan arituko dira hizlari lanetan Iñaki Leibar, Bizkaiko Foru Aldundiko Berrikuntza Ataleko burua; Olga Martín, Aclima-ko zuzendaria; Jose María Fernández, Ihobe-ko Ekonomia Zirkularreko zuzendaria; eta Iñaki Mendikute, Novattia Desarrollos-eko gerentea.
Honen ostean, Ana Sonia Elorriagak Txorierri Zirkularraren aurkezpena burutuko du, eta Cristina Mújicak, Bizkaiko Foru Aldundiko Lurralde Lehiakortasun eta Kanpo Sustapeneko zuzendari nagusiak, erakundeen itxiera. Bukatzeko, 10:45etan, networking-a egongo da kafe eta bisita gidatuarekin, baina hau aukerakoa izango da.