Barikuan, uztailak 10, izango da eta eskola hauek hartuko dute parte: Lea Ibarra, Zaratamo, Lezama, Markina, Txukun Lakua, Larrabetzu eta Zeanuri. Aurre-benjaminen eta benjaminen partidak 16:00etan izango dira; kimuen partidak, 17:00etan; eta umeen eta kadeteen partidak, 18:00etan. Halaber, 19:00etatik aurrera kopaua egongo da, zozketa eta pilotariekin argazkiak egiteko aukera. Sarrera doakoa izango da umeentzat eta 20 euro balioko du gurasoentzat.
Partidak uztailaren 10ean izango dira herriko frontoian, 19:30etik aurrera. Pilotari hauek arituko dira: Alberdi – Ibai Zabala vs Salaberria – O. Etxebarria; eta Master Caixabank torneoaren barruan, Ezkurdia – Aranguren vs Elezkano II – Aretxabaleta. Sarrerak 20 euro balio du aurretik erosten bada (www.entradasfron ton.com) , eta 25 euro, leihatilan erosiz gero. Larrabetzuko Udalak antolatutako ekintza da.
Auto-zinea. Uztailaren 10ean, 22:00etan, BMko aparkalekuan.
Lezamako Udalak herriko gaztetxoei zuzendutako ekitaldiak antolatu ditu uztailerako. “Udan jolasean Lezaman” programaren baitan, ekintzak gaur hasiko dira eta, besteak beste, tailerrak, ipuin-kontalariak eta magia-saioa egongo dira. Ekitaldietan parte hartzeko, ez da beharrezkoa aldez aurretik izena ematea; nolanahi ere, saio guztietan COVID-19aren kontra ezarritako protokoloak hartuko dira kontuan eta osasun- eta segurtasun-neurriak beteko dira.
Zamudioko VIII. Rallya. Uztailaren 10ean eta 11n, Zamudio Racing elkarteak eta Zamudioko Udalak antolatua.