Domekan, azaroak 28, Zamudioko Triala egingo da 15. adiz. Nagusien saioa 09:00etatik 14:00etara izango da Bidekoetxe parkean eta Pinoa etorbidean. Saioa puntuagarria izango da Euskadiko eta Bizkaiko txapelketetarako.
Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.
Gabonetako postalak. Lanak aurkezteko azken eguna: abenduak 3. Informazio gehiago: www.sondika.eus.
“Munduko talderik onena”, Carlos Ranedoren eta Tomas Ondarraren eskutik. Azaroaren 2tik 29ra, liburutegian.
Lezamako Udalak “Udagoien kulturala” programa antolatu du azarorako eta abendurako. Orotara lau ekitaldi egingo dira eta lezamarrek magia, txotxongiloak, musika eta antzerkia gozatu ahalko dituzte.
Argazkilaritza ikastaroa. Azaroaren 27an, goizez eta arratsaldez, eta 28an, goizez, Zamudiotorren. Derioko Argazki Taldeak eta IZAEk antolatua.
Pandemiaren eraginez, bertan behera utzi behar izan zen iaz Euskararen Eguna. Aurten, azken orduko aldaketarik ez badago, Zamudion egingo da azaroaren 27tik abenduaren 3ra bitartean. Lagatzu Zamudioko euskara elkarteak eta Txorierriko Zerbitzuen Mankomunitateak herritar guztientzako ekintzak antolatu dituzte, txorierritarron artean Euskararen Eguna arnasberritu dezagun.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |