Tailerra Derioko Udalak antolatu du abenduaren 18rako. Tailerra goizean egingo da, 10:00etatik 14:00etara, Derioko Udal Kiroldegian. Izena ematea abenduaren 17ra arte egongo da zabalik Kultur Birikan. “Autodefentsa feminista emakumeen ahalduntze indibidual eta kolektiborako teknika kognitibo, emozional eta fisikoetan oinarritutako tresna da. Indarkeria edozein adierazpidetan identifikatzen laguntzen du, eta indarkeria hautematea eta prebenitzea ahalbidetzen du. Indarkeria sexistaren aurka sentsibilizatzeko, prebenitzeko eta jarduteko beharrezko tresna da”, adierazi dute.
Lagatzuk autobusa antolatu du abenduaren 18rako, Bizkaiko bertsolari txapelketa finalera joateko. Autobusa doan izango da, eta geldialdiak izango ditu herri batzuetan. Irteera Lezaman izango da, 15:45ean, eta jarraian, Zamudiora eta Deriora abiatuko da. Informazioa: lagatzu@lagatzu.org
Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.