Ostirala, urtarrilak 28

19:00

Hitzaldia - Adikzioak, substantziadunak eta substantzia gabekoak

Derioko Udalak gizarte-sareetan iragarri duenez, urtarrilaren 28an “Adikzioak, substantziadunak eta substantzia gabekoak” hitzaldia egingo da Gaztelekuan, 19:00etan. Hitzaldia 14 urtetik 18 urtera bitarteko gazteentzat da eta izena ematea Gaztelekuan bertan egin behar da. Izena emateko epea urtarrilaren 24ra arte egongo da zabalik. Txorierriko Zerbitzuen Mankomunitateak antolatutako ekintza da, Eusko Jaurlaritzarekin eta Derioko Udalarekin lankidetzan.

20:30

Ikuskizuna - Asier Bilbao

Asier Bilbaok Show ikuskizuna eramango du datorren asteko barikuan, urtarrilak 28, Deriora. Emanaldia 20:30ean izango da Gurea Aretoan. Sarrerak Kutxabanken webgunean ipini dira salgai.

23:59

Erakusketa - Alberto Palomeraren “Ukiyotao metodoa”

Barakaldoko artista Deriora iritsiko da barikuan, eta Kultur Birikan “patafisika kuantiko”ari buruzko erakusketa ipiniko du ikusgai. Erakusketa urtarrilaren 14tik otsailaren 13ra arte egongo da ikusgai. Inaugurazio-ekitaldia barikuan, 19:00etan,  izango da eta bisita gidatua egingo da. Ekitaldia antolatu dute DerioKOmunikazioak, Derioko Udalak eta Kultur Birikak.

08:00

23:59

Mendi-irteerak, Untza taldearen eskutik

Untza mendi-talde derioztarrak hiru irteera antolatu ditu urtarrilerako. Hilaren 16an, Arabako Askuren/Beratza eta Redondo mendietara (14 km) joango dira, eta hilaren 23an, San Pedro Atxarrera (10 km; Bizkaia). Azkenean, urtarrilaren 30ean, ibilaldia egingo dute Galdaramuño eta Topinburu mendietan zehar (13 km; Gipuzkoa). Hiru egunetan, hitzordua 08:00etan ipini dute Nagusien Etxean.   

18:30

23:59

Baso-jardunaldiak Larrabetzun

Jardunaldiak Gurpide elkarteak antolatu ditu Larrabetzuko Udalaren babesarekin. Helburua da jardunaldiak lekua izatea “banda marroiaren aurrean, lasaitasunez pentsatu eta gure baso-lurrak kudeatzeko erabakiak hartu ahal izateko”, azaldu dute. Horretarako, hiru ekintza egingo dira, Keko Alonso Besaia egitasmoko kideak zuzenduta.