Larunbata, apirilak 13

13:00

Zamudioko Gazte Eguna

Inisitue Zamudioko gazte asanbladak Gazte Eguna antolatu du apirilaren 13rako. Poteo musikatua 13:00etan hasiko da eta haren ostean bazkaria izango da. Bazkarirako txartelak Crazy eta Fernan tabernetan eskuratu daitezke apirilaren 7ra arte, gizarte-sareen bidez edo inisituegazteasanblada@gmail.com helbide elektronikora idatzita. Taberna Ibiltariak bazkalondoa girotuko du, eta arratsaldea, Sakatu elektrotxarangak. Kontzertuak 22:00etan hasiko dira: Ugerda, Zeker, Xsakara, Etxekalte eta Desi ta Presi.

18:00

Bizkaia Open Txapelketa

Leixuri Arrizabalaga Euskara, Kultura eta Kiroleko foru-diputatuak atzo, martxoak 25, aurkeztu zituen Emakumezkoen Larruzko Pilotako VI Bizkaia Paleta Txapelketa eta Bizkaia Open, eta emakumezkoen kirola eta palarekiko grina sustatzearen garrantzia azpimarratu zuen. Bizkaia Open torneoari dagokionez, partidetako bat Larrabetzun jokatuko da, eta parte-hartzaileen artean Maldonado eta del Rio txorierritarrak izango dira.

18:00

Bizkaia pala torneoa

Zapatuan, apirilak 13, Bizkaia Torneoaren bigarren jardunaldia izango da Larrabetzuko frontoian. Partidak 18:00ean hasiko dira eta bertan hurrengo pala-jokalari hauek ikusteko aukera egongo da: Necol eta Moura, Madariaga eta Ibai Perezen aurka; Maldonado eta del Rio txorierritarrak, Gaueka eta Gordonen aurka; eta Fausto eta Alkorta, Gavillet eta Urrutiaren kontra. Sarrerak sei euroan ipiniko dira salgai.