3Dko radar-sistema da eta big data eta adimen artifiziala erabiltzen ditu. Alkateek espero dute radarra lagungarria izatea hegazkinen eta hegaztien arteko talkaren arriskua arintzeko. “Azken urteotan zenbait gorabehera eragin baititu, batez ere putreak bidaiari handiak direlako eta egunero egiten dituzten joan-etorriek aire-zirkulazioko korridoreetan eragiten dutelako”.
AENAk azaldu moduan, radarrari esker, hegaztien fluxuei era mugimenduei buruzko datuak ezagutu ahalko dira, eta “aireportuaren inguruan ibiltzen diren hegaztien hegaldi-ohiturak hobeto ezagutu ahalko dira. Gainera, informazio gehigarria emango da, baldin eta aireratzeetan edo lurreratzeetan talkaren bat edo bestelako gertakaririk badago”. Radarrak lagunduko du “hegaztien mugimenduen patroiak aztertzen eta horiek erakartzen dituzten fokuak identifikatzen. Era berean, aukera emango du arrisku handieneko espeziei egokitutako neurri aringarriak diseinatzen”.
Alkateek espero dute sistemak “bizilagunen segurtasuna bermatzea” eta nabarmendu dute “lanean eta elkarlanean” jarraituko dutela “segurtasun hori bermatzeko eskumena duten erakunde guztiekin”.