Tailerra Zamudioko liburutegiak antolatu du urriaren 16rako. Lau urtetik gorako umeentzako tailerra da eta parte-hartzaileak paleontologo bihurtuko dira. Hortaz, ikerketa-teknika aurreratuenak erabilita dinosauroen fosilen kopiak ikusteko aukera izango dute. Izena emateko eta zalantzak argitzeko, 944 520 204 telefono-zenbakira deitu daiteke, edo udalliburutegia@zamudio.eus helbide elektronikora idatzi. Zamudioztarrek lehentasuna izango dute, eta eskera izanez gero, baliteke beste saio bat antolatzea.
Udako oporraldiaren ostean, Literaturaz Berbenetan ekimenari berriro ekingo dio bihar, irailak 16, Larrabetzuko Kulturbilguneak. Ikasturtearen lehenengo saioan, Ana Malagonen Ez dakit zertaz ari zaren lana izango dute hizpide, 19:00etan, Anguleri kultur etxean.
Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.