Astelehena, irailak 27

19:00

23:59

Literaturaz Berbetan

Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.

19:00

23:59

Hitzaldiak - Pornografia eta emakumeen kontrako indarkeria

Zapata Gorriak Zamudioko talde feministak hitzaldi bi antolatu ditu eta horietan aztertuko dute pornografiaren eta emakumeen kontrako indarkeriaren arteko harremana. Lehen hitzaldia, “Emakumeen aurkako indarkeriaren erotizazioa eta pornoa”, irailaren 23an izango da Zamudiotorren, 19:00etan; eta bigarrena, “Nola hitz egin gure seme-alabekin pornografiaz”, irailaren 30ean, leku eta ordu berean. Aitziber Bañuelos gizarte-hezitzailea hizlari arituko da hitzaldietan eta biak zuzenean emango dira talde feministaren Facebooken eta Instagramen bidez.

14:46

23:59

Erakusketa - “Ezagutu non sortzen den gure etorkizuna”

“Ezagutu non sortzen den gure etorkizuna” argazki-erakusketa. Urriaren 12ra arte, Aralar kalean.

18:30

23:59

Berdintasun arloko ekintzak

Irailerako eta urrirako,  parekidetasuna eta ahalduntzea lantzeko ekintzak antolatu dituzte Moreak Lezamako elkarte feministak eta Lezamako Udalak eta Berdintasun Arloak. Hiru ekintza izango dira: zineforuma, batukada-tailerra eta ahalduntze- eta ongizate-tailerra. Leku mugatua egongo da eta izena ematea egin behar da berdintasuna@txorierri.eus helbide elektronikora idatzita.