Larunbata, urriak 16

18:00

Ikuskizuna - Amaren intxaurrak

Pirritx, Porrotx eta Marimotots pailazoek Amaren intxaurrak ikuskizuna aurkeztuko dute urriaren 16an, Zamudion. Zamudioko euskara elkarteak antolatutako ekitaldia da eta haren bazkideek elkartearen egoitzan eskuratu ahalko dituzte sarrerak irailaren 27an, 28an eta 29an. Sobera dauden sarrerak Zamudioko estankoan ipiniko dira salgai irailaren 30etik aurrera. Ikuskizuna Zamudioko kiroldegian izango da 18:00etan.  

20:00

Futbolin txapelketa

Futbolin txapelketa. Urriaren 16an, 20:00etan, Gaztestazioan.

19:00

23:59

Literaturaz Berbetan

Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.

18:30

23:59

Berdintasun arloko ekintzak

Irailerako eta urrirako,  parekidetasuna eta ahalduntzea lantzeko ekintzak antolatu dituzte Moreak Lezamako elkarte feministak eta Lezamako Udalak eta Berdintasun Arloak. Hiru ekintza izango dira: zineforuma, batukada-tailerra eta ahalduntze- eta ongizate-tailerra. Leku mugatua egongo da eta izena ematea egin behar da berdintasuna@txorierri.eus helbide elektronikora idatzita.

19:00

20:15

Ikastaroa - Euskal kantak

Zorrizketan Lezamako euskara elkarteak euskal kantu ikastaroa antolatu du urriaren 14rako, 21erako eta 29rako. Saioak 19:00etatik 20:15era izango dira Uribarri Topalekuan. Izena emateko, whatsapp-mezua bidali behar da 679 630 901 telefono-zenbakira, edo zorrizketan@gmail.com helbide elektronikora idatzi. Bazkideek bost euro ordaindu beharko dute; gainerakoek, 10 euro. Ikastaroa 16. aldiz egingo da, eta aurrekoetan bezala, Itsaso Arrietak zuzenduko ditu saioak.