Igandea, azaroak 7

Erakusketa - Auto telegidatuak

Auto telegidatuen zirkuitua eta antzinako autoen erakusketa. Azaroaren 7an, Zamudio Racing elkarteak antolatua.

19:00

23:59

Literaturaz Berbetan

Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.

11:25

23:59

Lehiaketak - Gabonetako postalak

Gabonetako postalak. Lanak aurkezteko azken eguna: abenduak 3. Informazio gehiago: www.sondika.eus.

23:59

Erakusketa - Munduko talderik onena

“Munduko talderik onena”, Carlos Ranedoren eta Tomas Ondarraren eskutik. Azaroaren 2tik 29ra, liburutegian. 

18:00

23:59

Azaro feminista Larrabetzun

Zutunik Larrabetzuko talde feministak hainbat ekitaldi antolatu du azarorako. Hilaren 2an, 18:00etan, “Zapalkuntza eta probilegioa” tailerra izango da Anguleri kultur etxean, Cony Carranza eta Itziar Gandariasen eskutik, eta azaroaren 21ean, pala-topaketa feminista, 10:00etatik aurrera, frontoian. Izena emateak 10 euro balio du bikoteko eta 649 004 866 telefono-zenbakira whatsappa bidalita egin behar da; azken eguna azaroaren 5a izango da. Bestalde, Estitxu Fernandezek  indarkeria obstetrikoari buruzko hitzaldia egingo du azaroaren 24an, 18:00etan, Angulerin, eta hurrengo egunean, azaroak 25, ekitaldia egingo da Emakumeen Aurkako Indarkeriaren Kontrako Nazioarteko Eguna dela eta.    

08:30

23:59

Mendi-irteerak - Entzia eta Albertia

Ohi moduan, Gailur Lezamako mendi-taldeak irteera bi antolatu ditu datorren hilerako. Horrela, azaroaren 6an Entziako mendilerrora (Opakuako mendatea)  joango dira, eta hilaren 21ean, Albertiara (Legutio). Azken mendi-irteera hori eskolako gurasoen elkartearekin batera antolatu dute. Informazio gehiagorako, mezua idatzi daiteke gailurmt@outlook.com helbide elektronikora.

10:00

23:00

Ekintzak Zamudion, sanmartinak direla eta

Datozen egunetarako, eta sanmartinen harira, hainbat ekintza antolatu dituzte Zamudion. Besteak beste, musika, bertso-saioa, ikuskizunak, pilota-partidak eta umeentzako puzgarriak izango dira.