Lagatzu Zamudioko euskara elkarteak Go!azen ikuskizuna antolatuta zuen abenduaren 11rako, baina aurreko asteko euriteek sortutako uholdeek arazo teknikoak eragin zituzten herriko kiroldegian eta ikuskizuna otsailaren 12rako atzeratu behar izan zuten. Aurretik erositako sarrerek otsaileko saioa ikusteko balio duten arren, euskara elkarteak dirua itzuli zien hala nahiago zutenei. Bestalde, jakinarazi dutenez, sarrerak salgai ipini dituzte otsailaren saiorako. Emanaldi bi egongo dira, bata 17:00etan, eta bestea 19:00etan. Sarrerak 15 euroan erosi daitezke Zamudioko liburudendan, Derioko Txapas tabernan, Larrabetzuko Foteri tabernan eta, urtarrilaren 21etik aurrera, www.zamudio.eus webgunean. Erreserbak egin daitezke 629 424 645 telefono-zenbakira whatsappa bidalita.
Barakaldoko artista Deriora iritsiko da barikuan, eta Kultur Birikan “patafisika kuantiko”ari buruzko erakusketa ipiniko du ikusgai. Erakusketa urtarrilaren 14tik otsailaren 13ra arte egongo da ikusgai. Inaugurazio-ekitaldia barikuan, 19:00etan, izango da eta bisita gidatua egingo da. Ekitaldia antolatu dute DerioKOmunikazioak, Derioko Udalak eta Kultur Birikak.
Jardunaldiak Gurpide elkarteak antolatu ditu Larrabetzuko Udalaren babesarekin. Helburua da jardunaldiak lekua izatea “banda marroiaren aurrean, lasaitasunez pentsatu eta gure baso-lurrak kudeatzeko erabakiak hartu ahal izateko”, azaldu dute. Horretarako, hiru ekintza egingo dira, Keko Alonso Besaia egitasmoko kideak zuzenduta.
Alberto Palomeraren marrazkiak. Otsailaren 1etik 25era, liburutegian.
Pelikula. Otsailaren 6an, 13an, 20an eta 27an, 18:00etan, Gaztestazioan.
Mad Science. Otsailaren 11n eta 18an, 19:00etatik 20:00etara, Gaztetxean.