Maiatzaren 20an, “Sexuen arteko harremanari begirada bat” hitzaldia eskainiko da Larrabetzun, Hori Bai gaztetxean. Lucia Gonzalez Mendiondo eta Joserra Landarroitajauregi arituko dira hizlari 18:30ean.
Tai Chi. Apiriletik urrira, eguaztenetan eta eguenetan, 11:15etik 12:15era. Izena ematea, Kultur Birikan.
Uda egitasmoan izena ematea. Maiatzaren 9tik 20ra, Anguleri kultur etxean.
Musika Eskolako kontzertua. Maiatzaren 11n eta 16an, 18:00etan, Anguleri kultur etxean; maiatzaren 27an, 19:00etan, Andra Mari elizan.
Berdintasun Arloak antolatuta, datozen egunetan jarduerak izango dira Lezaman. Maiatzaren 19an, 18:30ean, Lezamako Berdintasun Planaren ebaluazioa egiteko partaidetzazko saioa egingo da, eta hilaren 21ean Tuppersex antzezlana ikusteko aukera egongo da. Emanaldia 19:00etan izango da Kultura Aretoan, Urrup antzerki-taldearen eskutik. Azkenik, ekofeminismoari buruzko hitzaldia antolatu da maiatzaren 17rako, 24rako eta 31rako. Saioak 18:30etik 20:00etara izango dira Kultura Aretoan.
“Sondika Musika” ekimena bueltan da. Horrela, barikuan eta zapatuan, maiatzak 20 eta 21, musika nagusi izango da bertako txokoetan. Barikuan, Txuma Olagüe abesbatza eta talde korala kalejiran aterako dira 20:00etatik aurrera, eta zapatuan bost kontzertu izango dira herriko taberna batzuen eskutik.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |