Ostirala, martxoak 31

20:30

Guda Dantza, Oxangoitin

Azken Barikuak kontzertu-sailaren baitan, Guda Dantza taldeak musika-saioa egingo du martxoaren 31n, 20:30ean, Oxangoiti Lezamako tabernan. Aukera paregabea da musika dantzagarriaz gozatzeko. Izan ere, duela 10 urte sortutako talde bizkaitarrak batez ere dantzatzeko musika egitea du helburu. Kalean lau lan dituztela, esan dute erosotasun-gunetik ateratzea gustatzen zaiela, “trapezistaren adrenalina zainetan barrena sentitu, eta leku ezezagunetara iristea”.

Ikastaroak

Areto-dantzak, patinajea eta sendabelarrak. Izena ematea: apirilaren 11tik 19ra, liburutegian.

Izena ematea - Benidormera bidaia

Benidormera bidaian izena ematea: apirilaren 5era arte udaletxean edo udal-aplikazioaren bidez.

Izena ematea - "Uda gaztea" bidaia

“Uda gaztea” bidaian izena emateko epea: apirilaren 6ra arte, Gaztestazioan.

Liburuen rallya

Liburuaren Eguna ospatzeko, apirilean liburuen rallya egingo dute Zamudioko liburutegian. Erabiltzaileek hainbat liburuetako aipuak topatuko dituzte liburutegian, eta asmatu beharko dute zein liburutakoak diren. Asmatzen dutenen artean 40 euroko txartelak zozketatuko dituzte, Zamudioko liburu-dendan gastatu ditzaten. Gazteentzako eta helduentzako ekintza da.

10:19

Izena ematea - Aste Santuko ekintzak

Gaztestazioak Aste Santurako antolatutako ekintzetan izena ematea: apirilaren 2ra arte.

14:33

Marchinlilac Zamudion

Ohi legez, eta Zamudioko Udalak bultzatuta, martxoan Marchinlilac kanpaina egingo da liburutegian, Emakumeen Nazioarteko Egunaren harira. Gazteentzako eta helduentzako lehiaketak egingo dira eta ipuin-kontalaria ere egongo da. Gainera, emakume idazleen gida eta neska eta mutil abenturazaleen gida ipiniko dira erabiltzaileen eskura, lehiaketan parte hartzea errazteko.

15:00

Udal ikastaroak

Udal-ikastaroetan izena ematea, apirilean, 944 535 171 telefono-zenbakira deituta.

18:00

Plazako dantzen ikastaroa

Bizkargi dantza taldeak plazako dantzen ikastaroa antolatu du datozen hiletarako. Guztira bost saio egingo dira: urtarrilaren 20an, otsailaren 24an, martxoaren 17an, apirilaren 21ean eta maiatzaren 19an. Hamahiru urtetik gorako lagunentzako ikastaroa da eta esandako egunetan egingo da 18:00etatik 19:30era. Ikastaroak 30 euro balio du; 20 euro, bazkideentzat. Izena emateko eta informazio gehiagorako: 644 166 034 eta info@bizkargidantzaelkartea.eus.