Autodefentsa feminista. Azaroaren 20an, 10:00etatik 14:00etara, hauek antolatua: Gaztestazioak, Zapata Gorriak taldeak eta Lagunandrek. Izena emateko azken eguna: azaroak 15. Azaroaren 25aren harira.
Josu Andoni Begoña Loiuko alkateak bere webgunean jakinarazi duenez, udalak Olentzeroren etxea bisitatzeko irteera antolatu du azaroaren 20rako. Loiuztarrek lehentasuna izango dute izena emateko orduan eta bost euro ordaindu beharko dituzte; Loiun erroldatuta ez daudenek, bestalde, 8 euro. Ume bakoitzeko nagusi bik parte hartu ahalko dute irteeran, eskuragarri dauden sarreren arabera. Izena ematea bihartik (azaroak 4) hilaren 17ra arte egin daiteke. Autobusa 17:15ean aterako da Larrondoko frontoitik, eta 17:30ean Zabaloetxetik.
Antama Pantahou antzerkia, Bilboko Nazioarteko Txotxongilo jaialdiaren harira. Azaroaren 20an, 18:30ean, Hori Bai gaztetxean.
Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.
Gabonetako postalak. Lanak aurkezteko azken eguna: abenduak 3. Informazio gehiago: www.sondika.eus.
“Munduko talderik onena”, Carlos Ranedoren eta Tomas Ondarraren eskutik. Azaroaren 2tik 29ra, liburutegian.
Zutunik Larrabetzuko talde feministak hainbat ekitaldi antolatu du azarorako. Hilaren 2an, 18:00etan, “Zapalkuntza eta probilegioa” tailerra izango da Anguleri kultur etxean, Cony Carranza eta Itziar Gandariasen eskutik, eta azaroaren 21ean, pala-topaketa feminista, 10:00etatik aurrera, frontoian. Izena emateak 10 euro balio du bikoteko eta 649 004 866 telefono-zenbakira whatsappa bidalita egin behar da; azken eguna azaroaren 5a izango da. Bestalde, Estitxu Fernandezek indarkeria obstetrikoari buruzko hitzaldia egingo du azaroaren 24an, 18:00etan, Angulerin, eta hurrengo egunean, azaroak 25, ekitaldia egingo da Emakumeen Aurkako Indarkeriaren Kontrako Nazioarteko Eguna dela eta.
Ohi moduan, Gailur Lezamako mendi-taldeak irteera bi antolatu ditu datorren hilerako. Horrela, azaroaren 6an Entziako mendilerrora (Opakuako mendatea) joango dira, eta hilaren 21ean, Albertiara (Legutio). Azken mendi-irteera hori eskolako gurasoen elkartearekin batera antolatu dute. Informazio gehiagorako, mezua idatzi daiteke gailurmt@outlook.com helbide elektronikora.
Azaroaren 25aren harira: maskulinitate berriak, emakumeen ahalduntzea… Azaroaren 13an eta 20an, Gaztetxean.
Lezamako Udalak “Udagoien kulturala” programa antolatu du azarorako eta abendurako. Orotara lau ekitaldi egingo dira eta lezamarrek magia, txotxongiloak, musika eta antzerkia gozatu ahalko dituzte.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |