Rosa Martinezek Noraren sekretua txotxongiloen ikuskizuna aurkeztuko du bihar Lezaman. Saioa Kultura Aretoan izango da 18:00etan. Bost urtetik bederatzi urtera bitarteko umeentzako lana da eta bertan eskola-jazarpenaren arazoa lantzen du Martinezek “modu atseginean, baina beti ere azpimarratuz jokaera gaitzesgarri hauek gizartean sortzen dituzten ardura eta arbuioa”.
Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.