Logoa
Logoa

Txorierriko alkateak urriaren 24an bilduko dira Madrilen, Trantsizio Ekologikoaren Ministerioko ordezkariekin, putreek aireportuan sortzen dituzten arazoak ekiditeko

  Gizartea  Txorierri

Txorierriko alkateak urriaren 24an bilduko dira Madrilen, Trantsizio Ekologikoaren Ministerioko ordezkariekin, putreek aireportuan sortzen dituzten arazoak ekiditeko

Azken bolada honetan, gero eta putre gehiago dabiltza aireportuan. Saiek istripuak sortu dituzte bertan, azkenak maiatzean eta uztailean. Hori dela-eta, auzokideak zein pilotuak arduratsu agertu dira. Txorierriko alkateek ardura jaso eta urriaren 24an egingo dute bilera bat Madrilen, Trantsizio Ekologikoaren Espainiako Ministerioko (aurreko Ingurumen Ministerioa) arduradunekin.

Ioritz Aurrekoetxea trial txirrindularia fin dabil

  Kirolak  Derio

Ioritz Aurrekoetxea trial txirrindularia fin dabil

Ioritz Aurrekoetxea derioztarra gogotsu etorri da oporretatik eta emaitza onak lortu ditu trial txirrindularitzaren azken txapelketetan. Irailaren 8an, Open Norte txapelketa irabazi zuen Lapatzako trialparkean, Gasteizen. Era berean, irailaren 15ean, hirugarren postua lortu du Lizarrako txapelketan. 

Magalarte Zamudio Upeltegiaren ardoak saritu dituzte nazioarte mailan

  Enpresa  Zamudio

Magalarte Zamudio Upeltegiaren ardoak saritu dituzte nazioarte mailan

Catavinum elkarteak "International Wine Awards” (IWA) nazioarteko sariak banatu ditu Gasteizen, bederatzigarren aldiz. Eta Magalarte Zamudio upeltegiak hainbat sari jaso ditu bertan. Guztira, 35 herrialdetatik etorritako 2.493 ardok hartu dute parte lehiaketan, eta bakarrik 745ek, % 30ek, irabazi dute domina.

Asua ibaia bideratzeko lanak gaur hasi dira Sondikan

  Hirigintza  Sondika

Asua ibaia bideratzeko lanak gaur hasi dira Sondikan

Gaur hasi dira Asua ibaia bideratzeko lanak, Sondikan. Lanak Uraren Euskal Agentziak (URA) egingo ditu Industrias Albatik Sangroizeko zubira bitartean. Lanei esker, tarte horren ahalmen hidrauliko handituko da, hau da, Asua ibaiaren ur-goraldi naturalek inguruko industria eta etxebizitzetan izan ahalko luketen eragina murriztuko da.

Sondikako marmitakorik onena

  Festak  Sondika

a: Juanjo Ortiz


Asteburu honetan, Kurtzeko jaiak ospatu dituzte Lezaman. Baita Sondikan ere, eta han marmitako lehiaketa antolatu dute zazpigarren aldiz. Eguraldi ona, herriko kuadrillak eta bazkari goxoa. Aurten 43 taldek hartu dute parte, iaz baino zazpi gehiago. Argazki-galeria Juanjo Ortizek eskaini digu. 

»» Ikusi argazki guztiak (32)

Azkue Fundazioak teknologiari buruzko ikastaroak eskainiko ditu doan, Bilbon

  Teknologia  Txorierri

Azkue Fundazioak teknologiari buruzko ikastaroak eskainiko ditu doan, Bilbon

Azkue Fundazioak lau ikastaro antolatu ditu, Talaios Kooperatibarekin elkarlanean, Sartu gurekin teknologiaren ur handitan lelopean. Ikastaroek gai hauek jorratuko dituzte: burujabetza teknologikoa, web teknologia, talde komunikazioa eta gaitasun digitalak. Ikastaroak doan eskainiko dira irailetik abendura bitartean.

Euskal Herriko argazkirik onena

  Kultura  Txorierri

Euskal Herriko argazkirik onena

a: 2017ko Euskal Herriko argazki onena: Egunsentia Gaztelugatxen / Egilea: Ebaki

2010ean, Wikimediako kapitulu eta erabiltzaile-taldeek Wiki Loves Monuments (WLM) argazki lehiaketa antolatu zuten lehendabiziko aldiz, Herbeheretan. 2011n Europa osora zabaldu zen eta 2012an, mundura. Lehiaketak Wikipedia webgunearen irakurle, lankide, argazkilari edo argazkigintzaren zaleak kultura-ondare diren monumentuen argazkiak egitera animatzea zuen helburu, Wikipedian erabili ahal izateko. Horren haritik, Azkue Fundazioak sariak eskaintzen dizkie euskarazko Wikipediarako argazkiak ateratzen dituztenei. Iaz, 722 lagunek hartu zuten parte lehiaketan.

Sagardotegiko menua eskainiko da Altzora Egunean

  Euskara  Sondika

Sagardotegiko menua eskainiko da Altzora Egunean

Altzorak, Sondikako euskara elkarteak, bere eguna ospatuko du irailaren 22an, zapatuan, eta ohikoa den moduan, egun osoko egitaraua prestatu du. 

Magia jaialdia, Derion

  Aisia  Derio

Magia jaialdia, Derion

Asteburu honetan izango da. Barikuan, irailaren 14an, Jamming Show ikuskizuna eskainiko da 20:30ean, Gure Aretoan, eta zapatuan, irailaren 15ean, magoen eta inprobisatzaileen kalejira egongo da tabernaz taberna. 

Txirrindulariek hitzordua dute Zamudion

  Kirolak  Zamudio

Txirrindulariek hitzordua dute Zamudion

Urtero moduan, txirrindulariak eta zaleak Zamudio – Zamudio zikloturistan batuko dira irailaren 15ean. Saioa 30. aldiz egingo da aurten. Txartelak eta kamisetak 09:30etik 11:00etara banatuko dira Bidekoetxe parkean, eta 12:30ean umeei zuzendutako mountain-bike zirkuitua egongo da. 

Gerrako irudiak, Sondikan

  Kultura  Sondika

Gerrako irudiak, Sondikan

Irailaren 18tik urriaren 7ra bitartean, “¡Nunca más! Imágenes de guerra 1936-1939” erakusketa ikusgai egongo da Sondikako Kultura Aretoa In, Sabino Arana Fundazioaren eskutik. 

Kurtzeko jaiak, Sondikan eta Lezaman

  Festak  Sondika

Kurtzeko jaiak, Sondikan eta Lezaman

Asteburuan, jaietan ibiliko dira Sondikan eta Lezaman, herri bietan Santa Kurtze ospatuko dute-eta. Hona hemen prestatu dituzten egitarauak, herritar guztiek ederto pasatzeko modukoak direnak.

Hekimenek alardearen berri ematen zebiltzan kazetarien aurkako erasoak salatzen ditu

  Iritzia  Txorierri

Hekimenek alardearen berri ematen zebiltzan  kazetarien aurkako erasoak salatzen ditu

Hekimen Euskal Hedabideen Elkarteak larunbatean Hondarribiko alardearen berri ematen ari zirela hainbat kazetarik jasandako erasoak salatu nahi ditu eta, bide batez, elkartasun eta babes osoa adierazi nahi die beraien lana egiten ari zirela erasotuak izan ziren kazetari horiei denei. 

Zamudio eta Derioko errepide batzuk trafikorako itxiko dira eguaztenean, itzuliaren 17. etapa dela-eta

  Zenbait  Txorierri

 Zamudio eta Derioko errepide batzuk trafikorako itxiko dira eguaztenean, itzuliaren 17. etapa dela-eta

Getxo – Bizkaiko Balkoia etapa eguaztenean, irailaren 12an, izango da eta tropela Santo Domingotik sartuko da Txorierrira. 

Bertsolariek hamaika gasolina erre dute Zamudion

  Kultura  Zamudio

Bertsolariek hamaika gasolina erre dute Zamudion

argazkiak: Maite Gasco eta Pedro Landeta

Zamudio Racing Elkarteak laugarren aldiz antolatu du asteburu honetan, irailaren 8an, Bertso-Rally erronka. Ekitaldiak, “Hamaika gasolina erre” lelopean, bertsoak eta autoak uztartzen ditu. Aurten, lau bertsolarik hartu dute parte ekitaldian: Fredi Paya, Nerea Ibarzabal, Iker Zubeldia eta Etxahun Lekue. “Oso pozik gaude, espero baino jende gehiago etorri delako. Taberna batean, 80 lagun batu ginen”, esan dute antolatzaileek.