Azken urteotan sare sozialek informatzeko eta iritziak partekatzeko modua erabat aldatu dute. Albisteak eta iritziak berehala zabaltzen dira, eta, horren ondorioz, pertsona baten ospea egun bakarrean eraiki nahiz suntsitu daiteke. Ez naiz nire esperientziaz ari; aitzitik, sare sozialetako hainbat profil aztertuta, gero eta argiago ikusten dut ezeztapenaren kultura hedatzen ari dela. Kezkagarriena, nire ustez, pertsona baten heriotza digitala eragin dezakeela da.

Ekain amaieran Madrilen izan ginen, GRIGRI Projects-eko lagunek Nola bihurtu beldurra ospitalitate? lelopean antolaturiko topaketetan parte hartzen, gure NomadaLab proiektua elikatzeko asmotan. Galdera sinplea dirudi botatakoak, baina bete-betean heltzen dio egungo erronka nagusietako bati. Izan ere, pentsatu ahal duzu inoiz zer egiten dugun edo nola jarduten garen ezezagun edo arrotz sentitzen dugunarekin? Beldurra elikatzen dugun ala zubiak eraikitzen saiatzen garen? Gero eta anitzagoak diren gure herri, hiri eta komunitateetan, elkarbizitza nola eraiki asmatzeak inkognita bat izaten jarraitzen du.