Beste urte batez Baserri Antzokiak Txorierri Eguna hartuko du, aurten, zapatuan, urriak 24. Eskaintza bete-betea antolatu dute, 11:00etatik aurrera askotariko produktuez osatutako azoka egingo dute: barazkiak, ogiak, eztia,  arropa edota eskulanak. 10 postu baino gehiago jarriko dituzte, baita taloena ere. Eguerdian Txorierriko Dantza Taldeen txanda izango da eta musika ere ez da faltako egun osoan zehar.

AEKk eta Euskaltzaindiak bost urterako lankidetza-hitzarmena sinatu dute. Hain zuzen, akademiak materiala erabiliko du Euskararen Erreferentzia Corpusaren barruan “indexatzeko, analisi estatistikoa egiteko eta tratamendu lexikografikoa egiteko”.