Txorierriko herrietan Arimen Gaua, Akarbaltz gaua edota Gau Beltza ospatuko dute barikuan, urriak 30, eta zapatuan, urriak 31. Herriz herri askotariko ekintzak antolatu dituzte, eta Aikor aldizkariak denak elkartu ditu egitarau bakarrean.

EGAZ Txorierrik Enplegu eta Tokiko Garapen Planaren lehen fasea amaitu du, eskualdearen diagnostikoan eta analisian oinarritutakoa, urriaren 22an egindako Focus Group saioa egin ondoren. Jardunaldian, lurraldeko eragile nagusiekin diagnostikoaren emaitzak kontrastatu zituzten, eta parte-hartze prozesuari amaiera eman zioten.