Abuztuaren 12koa egun berezia izango da. Txorierrin eguzki eklipse totala biziko dugu.  Ilargiak guztiz estaliko du eguzkia, segundu gutxi batzuetan izango bada ere. Eklipsea nondik behatzen dugun garrantzia handia dauka: Bizkaia hegoaldean eta mendebaldean totala izango da eklipsea, baina iparraldean eta ekialdean eklipsea partziala izango da, hau da, eguzkia eta ilargia ez ditugu guztiz lerratuta ikusiko.

Mark Twainen Yankee bat Arturo Erregearen Gortean eleberrian, protagonista eguzki eklipse batez baliatuko da estualdi batetik ihes egiteko. Hortik aurrera denboran atzera bidaiatu duen XIX. mendeko Hank Morganek, bere zientzia eta teknologia ezagutzak aprobetxatuko ditu Arturoren aholkulari nagusi bilakatzeko, eta Merlin aztia zokoratzeko. Egile irudimentsuaren fruitua kasu horretan, badira baina horrelako fenomeno astronomikoz aprobetxatu diren hezur-haragizko pertsonaiak.