Erandioko EH Bilduren mahai politikoak erabaki du Imanol Eguskiza Palma izango dela alderdiaren alkategaia 2027ko maiatzeko hauteskundeetan. “Imanolek profil egokia du Erandiok hurrengo legegintzaldian izango dituen erronkei erantzungo dien proiektua gidatzeko”, azaldu dute.

Apurtuarte futbol taldeak, bere mendeurrenean eta ‘Iragana gogoratuz, etorkizuna eraiki’ lelopean, argazki eta dokumentu historikoen erakusketa antolatu du. Erandioko eskola zaharreko gimnasioan kokatu dute. Ordutegia: irailak 24an eta 25ean, 18:00etaik 21:00etara, hilaren 26an 11:00etatik 14:00etara eta 18:00etatik 21:00etara eta irailaren 27an 11:00etatik 14:00etara. Horrez gain, mendeurreneko kamiseta erosteko aukera egongo da.