20.000 euro bideratuko dituzte auzo komunitateentzako diru laguntzetara
urr 23, 08:41 Sondika
Sondikako Udalak 20.000 euro bideratuko ditu auzo komunitateentzako diru laguntzetara, “udalerriko fatxadetan garbiketa, pintura edo muralismo lanak egiteko”. Ekimenaren helburua da pintaden aurka egitea eta eraikinen kanpo irudia hobetzea. Laguntzak eskatzeko baldintzei, epeei eta gainerako xehetasunei buruzko informazioa Udalak emango du ezagutzera ohiko komunikazio bideen bidez.
15.000 euroko aurrekontua, gazteentzako gimnasioko laguntzetarako
urr 22, 08:43 Sondika
Sondikako Udalak 2026an gimnasioa erabiltzeagatik ordaindutako kostuaren % 50eko dirulaguntza emango die herrian erroldatutako 16 eta 25 urte bitarteko gazte langabeei, “baldin eta udal kiroldegiko urteko abonatuak badira”. Deialdiak 15.000 euroko aurrekontua dauka, eta gazteen artean kirola sustatzea du helburu. Laguntzak eskatzeko informazioa laster emango du Udalak ezagutzera, ohiko komunikazio bideetatik.
