15.000 euroko aurrekontua, gazteentzako gimnasioko laguntzetarako
urr 22, 08:43 Sondika
Sondikako Udalak 2026an gimnasioa erabiltzeagatik ordaindutako kostuaren % 50eko dirulaguntza emango die herrian erroldatutako 16 eta 25 urte bitarteko gazte langabeei, “baldin eta udal kiroldegiko urteko abonatuak badira”. Deialdiak 15.000 euroko aurrekontua dauka, eta gazteen artean kirola sustatzea du helburu. Laguntzak eskatzeko informazioa laster emango du Udalak ezagutzera, ohiko komunikazio bideetatik.
Sangurgoiti Bidea egonkortzeko lanak esleitu dituzte
urr 21, 10:06 Sondika
Sondikako Udalak esleitu ditu Sangurgoiti Bidea egonkortzeko lanak, bideko zoladuran eta kanpoko ertzean deformazioak agertu direlako. Obrak hasteko data zehatza oraindik zehaztu gabe dagoen arren, azaldu dutenez, aurreikuspena urrian hastea da, eta enpresa esleipendunak sei asteko epea izango du lanak egiteko.
