Eskola Bideak proiektua haurren autonomia garatzeko Sondikako Udalaren egitasmoa da. Honen bidez, ikasleak ikastetxera bide seguruetatik, haien kabuz eta oinez joatea sustatu nahi da. Uda aurretik, Udala Gorondaganeko guraso, irakasle eta ikasleekin hasi zen lanean, haurren mugikortasun eta autonomiaren diagnostikoa egiteko. Inkesta eta elkarrizketen bidez, eskolako LH4 eta LH5eko 53 ikasleen eta haien gurasoen ohitura eta ikuspuntuak jaso zituen Udalak, eta bertan eskolara bakarrik joateko interesa, segurtasuna eta bizi diren zonaldeei buruz galdetu zitzaien.

"Sondikako Udaletik irmo gaitzesten ditugu eta publikoki salatzen ditugu azken egunotan udalerriko zenbait zonaldetan izandako ekintza bandalikoak", adierazi du Naia Landa Sondikako alkateak, bertan izan diren azken gertakarien aurrean. Honez gain, alkateak adierazi du horrelako jokaerek "herritar guztiei egiten diete kalte, eta guztion ondasunei egindako erasoak dira".