Salgai daude urriaren 23ko ‘Zerua lapurtu dute’ ikuskizunerako sarrerak
urr 01, 08:42 Zamudio
Lagatzu Euskera Alkarteak antolatuta, Porrotx, Marimotots, Puru eta Lorek ‘Zerua lapurtu dute’ ikuskizuna aurkeztuko dute urriaren 23an, 18:00etan, Zamudioko kiroldegian. Sarrerak 9 eurotan jarri dituzte salgai, Zamudioko liburudendan eta estankoan eta Derioko Tahona Uribe okindegian. Horrez gain, Internet bidez erosi daitezke QRaren bidez. Lagatzuko bazkideek 6 eurotan erosi ahalko dituzte, urriaren 5etik 7ra, 18:00etatik 19:00etara, Lagatzuko lokalean. Urte batetik beherakoak doan sartu daitezke.
Hiru Bat Dantza Taldeak 55. urteurreneko jaia ospatuko du urriaren 17an
ira 28 Zamudio
Hiru Bat Dantza Taldeak 55 urte betetzen ditu, eta urteurrena behar bezala ospatzeko, urriaren 17rako egun osoko jaia antolatu dute. Bazkarirako tiketak salgai daude dagoeneko eta erosteko azken eguna urriaren 9a da, Fernan eta Crazy tabernetan eta estankoan eta mertzerian. 15 eurotan daude salgai.
