Zamudio Racing eta Real Peña Motorista Vizcaya elkarteek asteburu honetarako, uztailaren 10erako eta 11rako, antolatu dute Zamudioko Rallya, zortzigarren aldiz. Aurtengoa lasterketa berezia izango da zenbait arrazoirengatik: batetik, koronabirusa dela-eta, segurtasun-neurri batzuk bete beharko direlako; bestetik, itxialdia agindu zenetik, Zamudiokoa Estatuan egiten den lehenengo lasterketa izango delako; eta azkenik, Borja Triguerosi omenaldia egingo diotelako. Trigueros gidaria eta laguna zen eta urtarrilean hil zen. 

Bertako udalak jakinarazi duenez, igerilekuak egun hauetan zabaltzekoak ziren, baina argindar horniduran matxurak izan dira eta, ondorioz, zabaltze-data atzeratu behar izan dute. Azaldutakoaren arabera, ponpa berriak erosi behar izan dira eta Zamudioko Udalak espero du igerilekuak barikutik astelehenera bitartean zabaldu ahal izatea, hau da, ponpak jarri eta gero.