Sondikako Gorondagane Eskolak ordutegiaren egokitzapena proposatu du
abe 05, 13:19 Sondika
Sondikako Gorondagane Eskolak ordutegi egokitzapen proposamen bat burutu du Haur Hezkuntzako eta Lehen Hezkuntzako ikasleentzat. Proposatu duen ordutegia goizeko 9:00etatik 12:30etara eta 14:30etatik 16:00etara da, hau da, arratsaldeko txandaren hasiera zein bukaera ordu erdi aurreratzea. Honekin, eskolak “haurren behar eta erritmo naturalekin bat egingo duen ordutegia ezarri” nahi du, “haien ongizate emozionala eta fisikoa sustatzeko”.
Gabonetako postontzia Sondikan
abe 04 Sondika
Sondikoztarrek, abenduaren 19ra arte, Olentzerori eta Mari Domingiri gutunak bidaltzeko aukera izango dute. Hauek postontzi magiko bat izango dute, Udal liburutegian, gutunak bidali ahal izateko. Udalak “lotsarik ez izatea” eskatzen die sondikoztarrei, eta mezu bat idaztera animatzen ditu herritarrak. Esan bezala, mezua bidaltzeko azken eguna abenduaren 19 izango da, barikua.
