Bingen Zupiria sailburuak ‘Herritarren segurtasuna’ hitzaldia eskainiko du gaur
urr 08, 08:47 Zamudio
Bingen Zupiria Eusko Jaurlaritzako Segurtasuneko sailburuak ‘Herritarren segurtasuna’ hitzaldia eskainiko du gaur, urriak 8, 19:00etan, Zamudioko EAJren Arbolantxa kaleko lokalean. Bertan, azaldu dutenez, segurtasunaren arloan EAJk Eusko Jaurlaritzatik bultzatzen ari den neurrien eta proiektuen berri emango du Zupiriak.
Salgai daude urriaren 23ko ‘Zerua lapurtu dute’ ikuskizunerako sarrerak
Babestutako edukiaurr 01 Zamudio
Lagatzu Euskera Alkarteak antolatuta, Porrotx, Marimotots, Puru eta Lorek ‘Zerua lapurtu dute’ ikuskizuna aurkeztuko dute urriaren 23an, 18:00etan, Zamudioko kiroldegian. Sarrerak 9 eurotan jarri dituzte salgai, Zamudioko liburudendan eta estankoan eta Derioko Tahona Uribe okindegian. Horrez gain, Internet bidez erosi daitezke QRaren bidez. Lagatzuko bazkideek 6 eurotan erosi ahalko dituzte, urriaren 5etik 7ra, 18:00etatik 19:00etara, Lagatzuko lokalean. Urte batetik beherakoak doan sartu daitezke.
