Gorbeia kalearen ondoko plazako berrurbanizazio lanak hasi dituzte
ira 16, 08:54 Zamudio
Zamudioko Udalak hasi ditu Gorbeia kalearen ondoko plazako berrurbanizazio lanak. “Helburua da herritarrentzat espazio erosoago eta atseginagoa sortzea”. Zoladura berrituko dute, landaredia eta hiri-altzari berriak jarriko dituzte eta plazako argiztapena berrituko dute. Gainera, Zamudioko lehen euri-lorategia jarriko dute. Euri-ura aprobetxatu eta ureztaketa modu naturalean kudeatzeko prestatutako lorategia izango da. Lanen aurreikusitako epea bi hilabete eta erdikoa da.
Eguaztena da Bertoko elkartearen matrikulazio eguna
ira 08 Zamudio
Bertoko Soinu Tresnen Elkarteak eguaztenerako, irailak 9, ezarri du 2026-2027 ikasturterako matrikulazio eguna. Bihar, irailak 9, 19:30etik aurrera egongo dira Zamudioko Kultur Etxean. Duela 30 urtetik, Bertoko elkartekoek hainbat soinu tresna jotzen irakasten dute: trikitia, panderoa, alboka, kutxa, txalaparta, dultzaina... Harremanetan jartzeko edo informazioa lortzeko 689 24 68 44 telefonoa edota bertokozamudio@gmail.com posta elektronikoa jarri dituzte eskuragarri.
