Udako geldialdiaren ostean, Azken Barikuak kontzertu-saila Lezamara itzuliko da Garaje Drama taldearen eskutik. Hard Rock taldearen kontzertua bihar, urriak 25, 20:30ean, izango da Oxangoiti tabernan. Garaje Drama taldea osatzen dute Iker Zarate lezamarrak (ahotsa eta gitarra), Beñat Zallok (baxua eta ahotsa) eta Xabier Derteanok (bateria), eta izen bereko lana dute kaleratuta.

Imanol Arriortua Zorrilla derioztarrak beste domina bat lortu du Zurichen, Munduko Txirrindularitza Txapelketan. Zehatz-mehatz, zilarrezko domina eskuratu du Txirrindularitza Egokitutako Tandem Txapelketan, errepideko proban. Aurretik, brontzezko domina eskuratu zuen erlojupeko proban. Deriokoak Fran Garcia Rus izan du bikotekide.