Proiektu barri bat da abian: Txorierriko eta inguruetako musikariak (instrumentuz, kantuz eta dantzaz) batu eta gurutzatu egingo dira, daukien gaitasuna, esperientzia eta edukiak partekatzeko, bai eurentzako baita ikuslegoarentzako be.

Urriaren 14an Espainiako Auzitegi Gorenak Kataluniako procés-aren epaia zabaldu zuen. Ondorioz, 2017ko urriaren 1ean erreferenduma sustatu zuten zenbait politikariri  espetxe-zigorrak jarri dizkiete. Txorierrin gehiengo sindikalak –ELA, LAB, STEILAS, ESK, ETXALDE eta HIRU– elkartasuna adierazteko elkarretaratzeak antolatu ditu hainbat herritan, "Erreferenduma ez da delitua, askatasuna" lelopean.