Bihar arratsaldean Eguen Bakoitiak talde larrabetzuarrak kontzertu bat emango du Zamudioko Drunken Bros artisau garagardotegian. Kontzertu hau Bilbao Surf Film Festival-eko garagardo ofizialaren aurkezpenaren baitan izango da. Kontzertua 19:00etan hasiko da, baina ekitaldia arratsaldeko 17:00etatik aurrera izango da. Sarrera doakoa izango da.

Zamudioko Udalak Zikloturistaren XXVI. Edizioan parte hartzera gonbidatu ditu herritarrak. Zikloturista irailaren 20an ospatuko da, 8:30etatik aurrera, Bidekoetxeko parkean. Izena irailaren 18ra arte eman daiteke, udal webgunean. Prezioei dagokienez, tarifa arrunta 5€-koa da, eta murriztua 3€-koa. Tarifa murriztua 18 urtetik beherakoek, pentsiodunek, erretiratuek, langabeek, oinarrizko errenta jasotzen dutenek, familia ugariko kideek eta guraso bakarreko familiek ordainduko dute.