Maiatzaren 3tik 26ra bitartean, “KAISHOP!: Euskara + 0 km = kalitatea” kanpaina izango da Txorierrin, bertoko merkataritza eta ostalaritza eta euskara batuz. Kanpaina Txorierriko Mankomunitateak sustatu du Alkarbideren elkarlanean, eta helburu bikoitza du: alde batetik, tokiko merkataritzak eta ostalaritzak ematen duen tratu pertsonala eta gertukoa azpimarratzea; eta bestetik, euskarak tokiko merkataritzan eta ostalaritzan duen garrantzia nabarmentzea. Kanpina Gernika-Lumon eta Getxon ere ipiniko da martxan.

Larrabetzuko Urritarra futbol-taldeak udako campusa antolatu du ekainaren 24tik uztailaren 26ra bitartean. Guztira bost aste izango dira eta aste bakoitzak 75 euro balio ditu; prezioaren barne daude hamaiketakoa eta ekipamendua. Campusa 10:00etatik 14:00etara izango da, baina umeak ume-zaintza-zerbitzura eramateko aukera egongo da; zerbitzua 09:30ean hasiko da. 2018. urtetik aurrera jaiotako umeentzako campusa da. Izena ematea hemen egin daiteke.