Gazte Asanbladak etxebizitzaren eta grebaren inguruko asanblada irekia antolatu du
aza 06, 12:04 Lezama
Lezamako Gazte Asanbladak etxebizitzaren auziak titular guztiak betetzen dituenean eta azaroaren 11ko grebaren atarian, “beharrezkoa” ikusi du Lezamar gazteek ere “sufritzen dugun problematika honetaz” berba egiteko espazioak sortzea. Horretarako, asanblada irekia antolatu dute domekarako, azaroak 8, 18:00etan, Uribarri topalekuan. “Bertan, grebaren testuingurua ezagutu eta Lezamako egoera partikularra aztertuko dugu”, azaldu dute.
Barikuan hasiko da 67. Lezama eskualde eskupilota txapelketa
aza 04 Lezama
Lezamako Pelota Klubak beste urte batez antolatuko du eskupilotako txapelketarik entzutetsu eta garrantzitsuenetako bat, Juan Mari Dañobeitiaren omenezkoa. Barikuan, azaroak 6, 19:00etan hasiko dute lehiaketa, guztira 32 bikoterekin, maila bakoitzeko 16. Martxora arte, barikuro bi partida jokatuko dituzte frontoian, gazteen bat eta nagusien beste bat.
