Bihar, abenduak 17, Derioko Txorierri BHIko IGE-k antolatutako hitzaldien bigarrena izango da. Hitzaldi hau “Gestión emocional en la adolescencia: frustración, ira y conflictos” deitzen da, eta gaztelaniaz izango da. Hitzaldia arratsaldeko 18:00ak eta 20:00ak artean izango da, Txorierri BHIko Eremu gelan. Gaur da izena emateko azken eguna.

Urtero lez, Lainomendi dantza taldeak Gabonetako ekitaldia burutuko du. Aurtengoa, baina, berezia izango da, 35 urte bete dituzten urteari itxiera emango diotelako. Hori dela eta, zapatuan, abenduaren 20an, dantza talde derioztarrak Gabonetako erromeria ibiltaria burutuko du. Erromeria hau arratsaldeko 18:00etan hasiko da, San Isidro elizaren aurretik abiatuta, Derioko kaleetan zehar. Euria egitekotan, kantxetan hasiko da erromeria.