Euskal Trenbide Sareak jakinarazi duenez, Derioko eta Lezamako geltokien arteko Euskotren zerbitzua bertan behera geldituko da apirilaren 17tik 20ra bitartean, Zamudioko geltokian trenbide-azpiegitura hobetzeko lanak egingo direlako. Alternatiba moduan, autobus-zerbitzua ipiniko da bi geltokien artean, eta Lekunbizen, Zamudion eta Kurtzen ere geldituko da. Hala ere, zapatu gauean, apirilak 19, ez da autobus-zerbitzurik egongo.

Dagoeneko kalean dago Aikor aldizkariaren apirileko alea. Albisteez eta ohiko atalez gainera, aldizkarian topatuko dituzue, besteak beste, Iñigo Aurtenetxe Bizkaiko Pilota Federazioaren presidente berriari eta Joli Pascualena Demode Quartet taldeko abeslariari egindako elkarrizketak, eta perimenopasusiari eta menopausiari buruzko erreportajea. Gainera, Ander Mateos zinemagilea da apirileko pertsonaia nagusia. Bideoan derioztarrari egindako elkarrizketaren aurrerapena duzue.