Lehen fasean, kiroldegiko sarbide eremua eraldatuko dute: atondoa handitu eta berrituko dute, irisgarritasuna eta energia eraginkortasuna hobetuko, espazio berriak sortuko eta instalazioak zein kanpoaldeko ingurunea berrituko dituzte. Irailaren 15era arte aurkeztu daitezke eskaintzak, eta lanak egiteko epea 36 asteko izango da.

Kultur Birikak Aurretiazko Borondateen Dokumentua ezagutu eta landu nahi dutenei zuzendutako tailerra hartuko du irailaren 8an eta 22an. Tresna horri esker, idatziz jaso ahal izango dira zainketei eta osasun-tratamenduei buruzko lehentasunak.