Asteburuan, XVI. Mikologi Jardunaldiak ospatuko dira Derion, Untza Mendi Taldeak, Bizkaiko Mendizale Federazioak eta Derioko Udalak antolatuta. Zapatuan, azaroaren 8an, erakusketarako perretxiko jasotzera ibilaldia egingo da. Goizeko 8:00etan izango da, Udaletxearen aurretik abiatuta. Domekan, berriz, XVI. Mikologiko erakusketa eta dastaketa egingo da Sollube kaleko oinezkoen gunean. Perretxikoak eramatea baimenduta egongo da.

Abian da Txorierriko Udal Euskaltegiaren lokal berria. Gaur zabaldu da, eta bertan egon dira presente Mankomunitateko kideak zein eskualdeko alkateak. Lokal berria Txorierri Etorbidea, 9 helbidean dago, Arteaga eraikinaren erdisotoan. Lehen Derioko Udaletxean zegoen kokatuta Euskaltegia. Jon Ander Aurrekoetxea Mankomunitateko presidenteak eskerrak eman nahi izan dizkie eskualdeko udalei laguntzarengatik, bereziki Derioko Udalari, berea baita lokal berri hau.