Deriok ia 98.000 euro gehiago zuzenduko ditu merkatariei, ostalariei eta autonomoei laguntzera
ots 24 Derio
Derioko Udalak jakinarazi duenez, atzoko osoko bilkuran premiazko ezohiko laguntza-sorta berria onartu zuten herriko merkatariei, dendariei eta autonomoei laguntzeko. Zehatz-mehatz, 97.500 euroko ezohiko funts ekonomiko berria sortu dute aipatutako profesionalek COVID-19ak eragindako krisi ekonomikoari aurre egiten jarraitu ahal izateko.
Tasak bere horretan utziko ditu Zamudiok
ots 24 Zamudio
Zamudioko Udalak jakinarazi duenez, udal-tasak bere horretan utziko ditu 2021ean. Gainera, herriko ostalaritzako establezimenduak salbuetsita egongo dira terrazari lotutako tasa ordaintzetik. “COVID-19aren eraginez ezarritako neurriak eta derrigorrezko itxierak direla-eta diru-galerak izaten ari dira, eta neurria haiei laguntzeko modua da”.
