2023ko errenta-kanpaina amaituta, Bizkaiko Foru Aldundiko Ogasun Sailak emaitzak eman ditu ezagutzera. Guztira 670.086 aitorpen aurkeztu dira, eta 557,6 milioi euro itzuli dira (aitorpenen % 75), eta 427,5 milioi euro jaso. Hortaz, kanpainaren saldo orokorra izan da 130 milioi eurokoa zergadunen alde; 2022an baino 53,8 milioi gehiago.

EGAZ Txorierri enplegua eta ekonomia sustatzeko zerbitzuak jakinarazi duenez, iaz 541 pertsonak lana topatu zuten zerbitzuak enpresen eta eskualdeko pertsonen artean egindako bitartekaritza-lanei esker. Kontratazioen % 41 mugagabekoak eta lanaldi osokoak izan ziren.