Gaur, abenduak 19, Galbahe taldeak bere disko berria aurkeztuko du Larrabetzun, “Ez gara dena ahazteko nahikoa biziko”. Disko honetan, Gotzon Barandiaran larrabetzuarrak “Galbahea” poesia-liburuko poema batzuk aukeratu ditu, horiei musika gehitzeko. Badok-en eskainitako elkarrizketan, Barandiaranek aipatu du Kilkerbaltza taldea osatu duela, diskoan parte hartzeko zein zuzenekoetan parte hartzeko. Aurkezpen hau, beraz, gaueko 21:30etan izango da, Hori Bai gaztetxean. Sarrerak bertan egongo dira salgai, 21:00etatik aurrera.

Gaur, abenduak 19, Larrabetzuko frontoian, neguko jaia ospatuko da. Arratsaldeko 17:00etan hasiko da, eta 18:30ak arte, adin guztietarako jolasak izango dira. Eta ondoren, 19:00ak eta 21:00ak bitartean, DJ-a egongo da musikaz girotzen jaia. Gainera, 20:00etatik aurrera, saltxitxa ogitartekoak egongo dira salgai frontoian bertan.