Eguaztena entzun eta atoan jakingo dau Txorierriko edonork asteko hirugarren egunaz gabilzala. Zezeil eta garagarril berbak entzun ezkero, barriz, harridura aurpegia lotuko jako bati baino gehiagori. Izan be, txorierritar askok asteko egunak bizkaieraz erabilten dauzen arren, hileen izenak erdi ahaztuta gelditu dira. Gehienok euskera batuak ekarritako izenak darabilguz, baina bada, bertako izen zaharrak ahaztuta, erderazkoak erabilten dauanik (eneroa, junioa...). Hor kokatu beharko geunke Zamudioko esaerea: enero, febrero, marzo ta abril, txakurren eta katuen eperdie arin dabil.

Zamudioko Udalak euskararen erabilera sustatzeko eta gazteen artean sozializazio hizkuntza gisa indartzeko ekimen berri bat jarri du martxan, udalerriko hizkuntza politikaren baitan “mugarri garrantzitsua” izan nahi duena.