Urtero lez, Lainomendi dantza taldeak Gabonetako ekitaldia burutuko du. Aurtengoa, baina, berezia izango da, 35 urte bete dituzten urteari itxiera emango diotelako. Hori dela eta, zapatuan, abenduaren 20an, dantza talde derioztarrak Gabonetako erromeria ibiltaria burutuko du. Erromeria hau arratsaldeko 18:00etan hasiko da, San Isidro elizaren aurretik abiatuta, Derioko kaleetan zehar. Euria egitekotan, kantxetan hasiko da erromeria.

Gaur, abenduaren 15a, zineklubaren beste emanaldi bat izango da Larrabetzuko Hori Bai gaztetxean. Gaur, Arriguri bideogile taldeak egindako bideoklipak emango dira, izan ere, Gorka Urbizu, Chill Mafia, Gatibu, Izaro eta bestelako musikagileen bideoklipak burutu dituzte. Honez gain, beste bitxikeri batzuk ere izango dira. Emanaldia arratsaldeko 19:30etan izango da, Hori Bai gaztetxean.